༧གོང་ས་མཆོག་ལ་གཞིས་བྱེས་བོད་མིའི་ངོ་ཚབ་མཚོན་པའི་བོད་མི་མང་སྤྱི་འཐུས་ལྷན་ཚོགས་ཀྱིས་བརྟན་བཞུགས་བསྟར་འབུལ་ཞུས་པ།
༸གོང་ས་མཆོག་ལ་དགའ་ལྡན་ཁྲི་རིན་པོ་ཆེ་མཆོག་གིས་བརྟན་བཞུགས་བསྟར་འབུལ་ཞུ་བཞིན་པ།
༄༅། །༧གོང་ས་༧སྐྱབས་མགོན་ཆེན་པོ་མཆོག་བསྟན་འགྲོ་སྤྱི་དང་ཁྱད་པར་གངས་ལྗོངས་འགྲོ་བའི་མགོན་དཔུང་དམ་པར་སྐུ་ཚེ་བསྐལ་བརྒྱའི་བར་དུ་བརྟན་སླད་གཞིས་བྱེས་བོད་མིའི་ངོ་ཚབ་མཚོན་པའི་བོད་མི་མང་སྤྱི་འཐུས་ལྷན་ཚོགས་ཀྱིས་ཇི་ལྟར་གསོལ་འདེབས་ཞུས་དོན་བཞིན་བཀའ་བཞེས་ཟབ་མོ་སྨིན་སྩལ་ཐོབ་པ་ལྟར། བོད་རྒྱལ་ལོ་ ༢༡༣༧ བོད་ཟླ་ ༧ ཚེས་ ༢༣ ཕྱི་ལོ་ ༢༠༡༠ ཟླ་ ༩ ཚེས་ ༡ ཉིན་གྱི་ སྔ་དྲོ་ཆུ་ཚོད་ ༧།༣༠ ཐོག་གདན་ས་ཆེན་པོ་སེར་སྨད་ཐོས་བསམ་ནོར་གླིང་གྲྭ་ཚང་གི་གཙུག་ལག་ཁང་གི་སྒོ་འཕྱོར་མདུན་དུ་དགའ་ལྡན་ཁྲི་རིན་པོ་ཆེ་མཆོག་དང། ཤར་བྱང་ཆོས་རྗེ་རྣམ་གཉིས། སྔ་འགྱུར་རྙིང་མའི་གྱང་ཁང་རིན་པོ་ཆེ་མཆོག་གི་དབུས་ཆོས་བརྒྱུད་ཆེན་པོ་བཞི་དང་གཡུ་དྲུང་བོན་དང་བཅས་པའི་བླ་ཆེན་དང་བླ་ཆེན་རྣམ་པའི་སྐུ་ཚབ། གདན་ས་གསུམ་གྱི་མཁན་པོ་ལས་ཟུར་རྣམ་པ། རྒྱུད་སྨད་ཀྱི་མཁན་ཟུར་རྣམ་པ། བཙན་བྱོལ་བོད་གཞུང་མང་གཙོའི་ཀ་བ་གསུམ་གྱི་མཛད་གཙོ་རྣམ་པ། རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་གི་བོད་མིའི་འདུ་སྡོད་ཚོགས་བཅར་བ་རྣམ་པ། ཕྱི་རྒྱལ་སྐུ་མགྲོན་དང་དགོན་པའི་སྦྱིན་བདག ཉེ་འཁོར་དགོན་སྡེ་ཁག་གི་གྲྭ་བཙུན་རྣམ་པ། སློབ་གྲྭ་ཁག་གི་སློབ་ཕྲུག ས་གནས་མི་མང་། ཕྱོགས་མཐའ་ཁག་ནས་ཕེབས་པའི་མི་མང་བཅས་མི་གྲངས་ ༢༠༥༠༠ བརྒལ་བའི་དབུས་སུ་བཙན་བྱོལ་བོད་གཞུང་གི་བཀའ་ཁྲི་རིན་པོ་ཆེ་མཆོག་དང་སྤྱི་འཐུས་ཚོགས་གཙོ་མཆོག སེར་སྨད་མཁན་རིན་པོ་ཆེ་བློ་བཟང་རབ་དགའ་མཆོག་བཅས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་སྤོས་སྣེས་སྔོན་བསུས་ཀྱིས་བཞུགས་ཁྲི་རིན་པོ་ཆེར་༸ཞབས་སོར་འཁོད་དེ་སྔོན་འགྲོོའི་གསུང་ཆོས་དང་།
བརྟན་བཞུགས་མཛད་སྒོའི་སྐབས།
བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོའི་གསུང་བཤད།
བོད་མི་མང་སྤྱི་འཐུས་ཚོགས་གཙོ་མཆོག་གིས་ཚོགས་ཆེན་དབུ་འཛུགས་ཀྱི་གསལ་བསྒྲགས་གནང་བཞིན་པ། བོད་གཞུང་གི་དྲ་ཚིགས།
༄༅། །ཕྱི་ལོ་ ༢༠༠༨ ཟླ་ ༡༡ ཚེས་ ༡༧ ནས་ ༢༢ བར་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ པའི་དགོངས་དོན་དམིགས་བསལ་ཚོགས་ཆེན་གྱི་ལས་རིམ་མཇུག་བསྒྲིལ་ཟིན་པའི་ཕྱི་ཉིན་ཚེས་ ༢༣ ཉིན་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ཚོགས་བཅར་བ་ཡོངས་ལ་བཀའ་སློབ་སྤྱི་ཕེབས་བྱུང་བའི་ནང་ད་རེས་ཀྱི་ཚོགས་ཆེན་འདི་དམིགས་ས་བོད་རྒྱ་འབྲེལ་ལས་སྐོར་ཡིན་ཡང། དངོས་གཞི་ཚོགས་འདུའི་ཐོག་རང་རང་གི་མཐོང་ཚུལ་དང་ཉམས་མྱོང་ནས་ཤེས་ཡོན་གྱི་སྐོར་དང།འཕྲོད་བསྟེན་གྱི་སྐོར་སོགས་རིགས་ཚང་མའི་ནང་ཡར་རྒྱས་གཏོང་དགོས་པ་དང། འདི་དང་འདི་འཐུས་ཤོར་འགྲོ་གི་འདུག་ཅེས་བསམ་འཆར་དང་རེ་འདུན་བཏོན་པ་སོགས་གང་ཙམ་ཡོང་གི་འདུག་ཅེས་ངས་གོ་བྱུང་བ་དེ་སྔའི་ལོ་འཁོར་ལས་བསྡོམས་ཚོགས་ཆེན་ལྟ་བུ་བྱུང་འདུག དེས་ན་ཚོགས་འདུ་འདི་འདྲ་ལྷ་རབ་བྱུང་ན་ལོ་རེ་དང་དེ་མིན་ལོ་གནངས་འཆར་ཚུགས་ཐུབ་ན་ཡག་པོ་མེད་དམ་བསམ་པ་དྲན་བྱུང་ཞེས་ཕེབས་པ་བཞིན། བོད་མི་མང་སྤྱི་འཐུས་ལྷན་ཚོགས་སྐབས་བཅུ་བཞི་པའི་གྲོས་ཚོགས་ཚོགས་དུས་བདུན་པར་དེ་ལྟ་བུའི་ཚོགས་ཆེན་འཚོགས་རྒྱུའི་སྤྱི་མོས་གྲོས་ཆོད་བཞག་པ་དང་ཚོགས་དུས་བརྒྱད་པ་དང་དགུ་པ་སོ་སོར་བགྲོ་གླེང་ཟབ་རྒྱས་གྲུབ་རྗེས་མཐའ་མ་གྲོས་ཆོད་གཏན་འབེབས་དགོངས་དོན། ད་རེས་བོད་མིའི་འདུ་སྡོད་ས་གནས་མི་འབོར་ཆེ་ས་སྦེལ་ཀོབ་ཏུ་ཚུགས་ཐུབ་པ་བྱུང་བ་བཅས་བྱུང་རིམ་གྱི་ཚུལ་དུ་ཞུ་རྒྱུ་ཡིན། (more…)
བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོ་དབུ་འཛུགས་གནང་བ།
༄༅། །ཕྱི་ལོ་ ༢༠༡༠ ཟླ་ ༨ ཚེས་ ༢༦ རེས་གཟའ་ཕུར་བུའི་སྔ་དྲོ་ཆུ་ཚོད་ ༩ ཐོག་བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོ་རྒྱ་གར་ལྷོ་ཕྱོགས་སྦེལ་ཀོབ་ བདེ་སྐྱིད་སླར་གསོའི་གཞིས་ཆགས་ཀྱི་ཚོགས་ཁང་ནང་དབུ་འཛུགས་ཀྱི་ཐོག་མར་བཀྲ་ ཤིས་ལྷུན་པོའི་དགེ་འདུན་པ་རྣམས་ནས་དུང་རྒྱ་སེར་ཕྲེང་དང་བཅས་༸རྒྱལ་བའི་སྐུ་ དཔར་མཐོང་གྲོལ་རིན་པོ་ཆེ་ཚོགས་ཁང་དུ་གདན་ཞུས་ཀྱིས་བཞུགས་ཁྲིར་འཁོད་མཚམས་ ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་མཆོག་དང་། ཁྲིམས་ཞིབ་པ་གཞན་ རྣམ་གཉིས། བོད་མི་མང་སྤྱི་འཐུས་ཚོགས་གཙོ་ཚོགས་གཞོན་མཆོག་དང་། བཀའ་བློན་ཁྲི་ པ་མཆོག་བཅས་ཀྱིས་སྐུ་དཔར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་ཞུས་ཡོད། དེ་རྗེས་རྒྱ་བལ་འབྲུག་གསུམ་དང་ཕྱི་རྒྱལ་སོགས་ནས་ཁྱོན་མི་གྲངས་ ༤༥༠ ཙམ་ཚང་འཛོམས་བྱུང་བ་ཚང་མ་སྐུ་བཞེངས་ཀྱིས་རྔ་རོལ་དང་བཅས་བོད་རྒྱལ་ཁབ་ཆེན་ པོའི་རྒྱལ་གླུ་ཕུལ་བ་དང་སྦྲགས་བོད་བསྟན་སྲིད་མི་རིགས་ཀྱི་ཆེད་དུ་ལུས་སྲོག་ བློས་བཏང་ཟིན་པའི་རྒྱལ་གཅེས་དཔའ་བོ་དཔའ་མོ་རྣམས་དང་། འདི་ལོ་སྐྱེ་རྒུ་མདོར་ ཁུལ་ས་འགུལ་གྱི་འཇིག་པའི་འོག་བོད་མི་མང་པོ་འདས་གྲོངས་སུ་གྱུར་པ་རྣམས་དང་ཉེ་ ལམ་བོད་མདོ་སྨད་འབྲུག་ཆུ་རྫོང་གི་གཙོས་འཛམ་གླིང་ས་ཕྱོགས་གང་སར་ཆུ་རུད་དང་ འདམ་རུད་ཀྱི་གོད་ཆག་འོག་བོད་མི་གཙོས་པའི་མི་མང་པོར་གོད་ཆག་ཚབས་ཆེ་ཕོག་པ་ རྣམས་དང་རྗེས་ཤུལ་ནང་མི་སྤུན་མཆད་རྣམས་ཀྱི་རྗེས་དྲན་གྱི་མྱ་ངན་གུས་འདུད་ངག་ བཅད་སྐར་མ་གཅིག་རིང་གནང་གྲུབ་བསྟུན། རྟེན་འབྱུང་གསོལ་ཇ་འབྲས་བསིལ་འདེགས་འབུལ་ཞུས་ཡོད། དེ་ནས་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་ མཆོག་གིས་ཚོགས་ཆེན་དབུ་འཛུགས་ཀྱི་གསལ་བསྒྲགས་དང་འབྲེལ་ཚོགས་ཆེན་དབུ་འབྱེད་ ཀྱི་གསུང་བཤད་གནང་། དེ་རྗེས་དཔལ་ལྡན་བཀའ་བློན་ཁྲི་པ་མཁས་དབང་ཟམ་གདོང་བློ་བཟང་བསྟན་འཛིན་མཆོག་ གིས་ཚོགས་ཆེན་དང་འབྲེལ་བའི་བཀའ་ཤག་གི་གསུང་བཤད་གནང་དོན། (more…)
