སྲིད་འཛིན་ཨོ་སྦ་མས་ཨ་རིས་རྒྱ་བོད་གྲོས་མོལ་གང་མགྱོགས་དགོས་པའི་བསྐུལ་མ་གནང་བ།
སྲིད་འཛིན་ཨོ་སྦ་ མས་༢༠༠༩ཟླ་༡༡ ཚེས་༡༧ ཉིན་རྒྱ་ནག་རྒྱལ་ས་པེ་ཅིང་དུ་སྲིད་འཛིན་ཧུ་ཅིན་ཐའོ་མཇལ་རྗེས་སྲིད་འཛིན་ གཉིས་ནས་ཟུང་སྦྲེལ་གསར་འགོད་ལྷན་ཚོགས་གནང་སྐབས་བོད་སྐོར་རྒྱ་བོད་གྲོས་མོལ་གང་མགྱོགས་ཡོང་བའི་བསྐུལ་མ་གནང་འདུག ཨོ་སྦ་མའི་བསྐུལ་མ་དེར་བོད་ཀྱི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནས་དགའ་བསུ་གནང་འདུག
དེ་ཡང་སྲིད་འཛིན་ཨོ་སྦ་མས་གསུངས་ཡག་ལ།
“ང་ཚོས་བོད་དེ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་ཆ་ཤས་ཡིན་པ་ངོས་འཛིན་ ཡོད་པ་དང་ཆབས་ཅིག་ཨ་མེ་རི་ཀ་ནས་རྒྱ་ནག་གཞུང་དང་ཏཱ་ལའི་བླ་མའི་སྐུ་ཚབ་ལྷན་ ཕྱོགས་གཉིས་དབར་ཐུགས་ཚབ་དང་མི་མཐུན་པ་གང་ཡོད་སེལ་རྒྱུར་གྲོས་མོལ་གང་མགྱོགས་ སྐྱར་གསོ་ཡོང་རྒྱུར་རྒྱབ་སྐྱོར་བྱེད་ཀྱི་ཡོད་།”
ཡང་སྲིད་འཛིན་ཨོ་སྦ་མའི་ཨེ་ཤེ་ཡ་སློབ་སྟོན་པ་ཇེབ་སྦེ་ཊར་ནས་སྲིད་འཛིན་ ཨོ་སྦ་མས་བོད་སྐོར་བཀའ་མོལ་གནང་བའི་སྐོར་གསར་འགོད་པར་འགྲེལ་བརྗོད་གཤམ་འཁོད་ ལྟར་གནང་འདུག དེ་ནི་དབྱིན་ཡིག་ནས་རག་བསྒྱུར་ཞུས་པ་ཡིན་
“སྲིད་འཛིན་ནས་་་ཁྱེད་ཚོས་བཉམ་སྦྲེལ་གསར་འགོད་ལྷན་ཚོགས་ཐོག་གཟིགས་པ་བཞིན་་་ དམིགས་བཀར་གྱིས་ཆོས་དད་རང་མོས་དང་གྲངས་ཉུང་མི་རིགས་ཀྱི་ཐོབ་ཐང་སྲུང་སྐྱོབ་ བྱེད་རྒྱུ་གལ་ཆེན་པོ་ཡིན་པ་གསུང་མ་ཐག་ཏཱ་ལའི་བླ་མའི་སྐུ་ཚབ་དང་རྒྱ་ནག་གཞུང་ ལྷན་གྲོས་མོལ་སྐྱར་གསོ་ཡོང་རྒྱུ་དེ་གལ་ཆེན་པོ་ཡིན་པའི་སྐོར་འགྲེལ་བརྗོད་ གནང་ཡོད་། དེ་ནི་བསམ་ཞིབ་བྱས་པ་ཞིག་ཡིན་པ་དང་དེས་སྲིད་འཛིན་ནས་དོན་གནད་འདིར་གནས་འགག་ གང་འདྲ་རྩིས་མིན་གྱི་མཚོན་རྟགས་གསལ་པོ་ཞིག་ཡིན་། དོན་གནད་དེ་ནང་མོལ་སྐབས་སུའང་སློང་ཡོད་པ་དང་། སྲིད་འཛིན་ནས་ཏཱ་ལའི་བླ་མར་རིག་གཞུང་དང་ཆོས་ཀྱི་དབུ་ཁྲིད་ཡིན་པའི་རྩི་མཐོང་ ཡོད་པ་དེ་གསལ་པོ་བཟོ་གནང་བ་ད་དུས་ཚོད་འོས་མཚམས་ཞིག་ལ་ཏཱ་ལའི་བླ་མ་མཇལ་གྱི་ ཡོད་པའི་སྐོར་གསུངས་ཡོད་།
