རྒྱལ་སྤྱིའི་བོད་དོན་ལས་འགུལ་ཁང་། International Campaign for Tibet » 2010

August 2010
M	T	W	T	F	S	S
« Jul		Sep »
	1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Archive for August, 2010

རང་སྐྱོན་ངོས་ལེན་དགོས་པ།

Monday, August 30th, 2010

རང་སྐྱོན་ངོས་ལེན་དགོས་པ།
ནོར་བུ་དོན་ལྡན།

༧༧༎ ཕྱི་ཟླ་ ༧ ཚེས་ ༢༨ འཁོད་པའི་ “ ཀྲུང་འགོའི་བོད་ལྗོངས་དྲ་བ་ ” ཞེས་པའི་དབྱིན་ཡིག་ཐོག་ཐོན་པའི་གནས་ཚུལ་ལ་མཛུབ་སྟོན་བྱ་གྱུར།
༡) ཨ་རི་གཙོ་གྱུར་ནུབ་ཕྱོགས་པའི་གསར་འགྱུར་བརྒྱུད་ལམ་ནང་བོད་ཀྱི་ས་ཁུལ་ཁག་ནང་རྒྱ་མི་ཧན་མི་རིགས་གནས་སྤོས་བྱས་པར་མཐོང་མི་བདེ་བའི་ལྟ་ཚུལ་གྱི་གནས་ཚུལ་ཐོན་པར་ཁག་ག་ལ་ཡོད། ཁོང་ཚོ་ལས་བོད་མིར་དེ་བས་སེམས་འཚབ་ཆེ་བ་ཡོད། ༡༩༥༩ གོང་བོད་ཆོལ་ཁ་གསུམ་གྱི་ཁྱོན་ལ་བོད་མིའི་མི་འབོར་ས་ཡ་དྲུག་ལས་མེད། བོད་ནི་དེང་དུས་ཀྱི་ཤེས་ཡོན་སྤྱི་དང་། ལྷག་པར་ཕྱིའི་འཛུགས་སྐྲུན་དང་། བཟོ་ལས་འཁྲུལ་རིག་ཐད་ཡར་རྒྱས་ཕྱིན་མེད་ནའང་། འཚོ་གོས་འགྲིགས་ངེས་དང་ལུས་སེམས་སྤྲོ་བ་འཕེར་བ་ཞི་བདེ་བག་ཕེབས་སྐྱིད་སྣང་གང་ལེགས་སུ་ཡོད། ད་ཆ་བོད་ཡུལ་ནང་ཡུལ་གྱི་བདག་པོ་བོད་མི་ལས་ཕྱི་མིའི་མི་འབོར་ལྡབ་གྱུར་མང་དུ་སོང་སྟེ་བོད་ཡུལ་རྒྱ་ཡུལ་དུ་འགྱུར་ཉེན་གྱི་ངངས་སྐྲག་ཡོད་པ་ཙམ་དུ་མ་ཟད། བོད་མིའི་ཉིན་རེའི་འཚོ་གོས་དང་ལས་ཀ། ཡུལ་གོམས་གཤིས་སྤྱོད། ཁོར་ཡུག་སྲུང་སྐྱོབ་བཅས་པར་བསམ་ཡུལ་ལས་འདས་པའི་དོ་ཕོགས་ཆེན་པོ་བྱུང་ཡོད། དོན་དམ་གྱི་དབང་ཆ་དང་ཁེ་བཟང་དང་། ཡོང་སྒོ་ཡོད་ས་ཚང་མ་རྒྱ་རིགས་ལས་བྱེད་པས་དབང་འཛིན་བྱས། ཕྱིར་གདོང་འབག་བོད་མིས་གྱོན་ཏེ་འཁྲབ་སྟོན་བྱེད་དུ་བཅུག་པ་ནི་གནས་ཚུལ་གསར་པ་ཞིག་མ་རེད། དོན་སྙིང་རྒྱ་མི་འབོར་ཆེན་བོད་ནང་གནས་སྤོ་བྱེད་པའི་རྒྱ་ནག་གི་སྲིད་བྱུས་དེས་རྐྱེན་པས་བོད་མིའི་ངོ་བོ་རྩ་བརླག་ཏུ་འགྲོ་རྒྱུའི་ཉེན་ཁ་ཡོད་པ་དེ་དག་ངེས་པར་དུ་མཚམས་འཇོག་གཙང་མ་བྱེད་དགོས། (more…)

Posted in དཔྱད་རྩོམ། | No Comments »

བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོའི་གསུང་བཤད།

Saturday, August 28th, 2010

བོད་མི་མང་སྤྱི་འཐུས་ཚོགས་གཙོ་མཆོག་གིས་ཚོགས་ཆེན་དབུ་འཛུགས་ཀྱི་གསལ་བསྒྲགས་གནང་བཞིན་པ། བོད་གཞུང་གི་དྲ་ཚིགས།

༄༅། །ཕྱི་ལོ་ ༢༠༠༨ ཟླ་ ༡༡ ཚེས་ ༡༧ ནས་ ༢༢ བར་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ པའི་དགོངས་དོན་དམིགས་བསལ་ཚོགས་ཆེན་གྱི་ལས་རིམ་མཇུག་བསྒྲིལ་ཟིན་པའི་ཕྱི་ཉིན་ཚེས་ ༢༣ ཉིན་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ཚོགས་བཅར་བ་ཡོངས་ལ་བཀའ་སློབ་སྤྱི་ཕེབས་བྱུང་བའི་ནང་ད་རེས་ཀྱི་ཚོགས་ཆེན་འདི་དམིགས་ས་བོད་རྒྱ་འབྲེལ་ལས་སྐོར་ཡིན་ཡང། དངོས་གཞི་ཚོགས་འདུའི་ཐོག་རང་རང་གི་མཐོང་ཚུལ་དང་ཉམས་མྱོང་ནས་ཤེས་ཡོན་གྱི་སྐོར་དང།འཕྲོད་བསྟེན་གྱི་སྐོར་སོགས་རིགས་ཚང་མའི་ནང་ཡར་རྒྱས་གཏོང་དགོས་པ་དང། འདི་དང་འདི་འཐུས་ཤོར་འགྲོ་གི་འདུག་ཅེས་བསམ་འཆར་དང་རེ་འདུན་བཏོན་པ་སོགས་གང་ཙམ་ཡོང་གི་འདུག་ཅེས་ངས་གོ་བྱུང་བ་དེ་སྔའི་ལོ་འཁོར་ལས་བསྡོམས་ཚོགས་ཆེན་ལྟ་བུ་བྱུང་འདུག དེས་ན་ཚོགས་འདུ་འདི་འདྲ་ལྷ་རབ་བྱུང་ན་ལོ་རེ་དང་དེ་མིན་ལོ་གནངས་འཆར་ཚུགས་ཐུབ་ན་ཡག་པོ་མེད་དམ་བསམ་པ་དྲན་བྱུང་ཞེས་ཕེབས་པ་བཞིན། བོད་མི་མང་སྤྱི་འཐུས་ལྷན་ཚོགས་སྐབས་བཅུ་བཞི་པའི་གྲོས་ཚོགས་ཚོགས་དུས་བདུན་པར་དེ་ལྟ་བུའི་ཚོགས་ཆེན་འཚོགས་རྒྱུའི་སྤྱི་མོས་གྲོས་ཆོད་བཞག་པ་དང་ཚོགས་དུས་བརྒྱད་པ་དང་དགུ་པ་སོ་སོར་བགྲོ་གླེང་ཟབ་རྒྱས་གྲུབ་རྗེས་མཐའ་མ་གྲོས་ཆོད་གཏན་འབེབས་དགོངས་དོན། ད་རེས་བོད་མིའི་འདུ་སྡོད་ས་གནས་མི་འབོར་ཆེ་ས་སྦེལ་ཀོབ་ཏུ་ཚུགས་ཐུབ་པ་བྱུང་བ་བཅས་བྱུང་རིམ་གྱི་ཚུལ་དུ་ཞུ་རྒྱུ་ཡིན། (more…)

Posted in གསར་འགྱུར་།, བོད་ | No Comments »

ཨ་རི་གཞུང་ནས་འདི་ལོའི་བོད་སྐོར་ལོ་འཁོར་སྙན་ཐོ་གྲོས་ཚོགས་སུ་ཕུལ་བ།

Friday, August 27th, 2010

༄༅། ཨ་རིའི་ཕྱི་སྲིད་ལས་ཁུངས་ནས་ཕྱི་ལོ་ ༢༠༠༩ ཟླ་ ༣ ནས་ཕྱི་ལོ་ ༢༠༡༠ ཟླ་ ༢ བར་བོད་ཐོག་སྲིད་བྱུས་དང་བོད་ཀྱི་དཀའ་རྙོག་སལ་ཆེད་ལས་འགུལ་གང་སྤེལ་བའི་ལོ་འཁོར་སྙན་ཐོ་ཞིག་༢༠༡༠ ཟླ་ ༨ ཚེས་༡༩ ཉིན་ཁྲིམས་མཐུན་བཞིན་ཨ་རིའི་གྲོས་ཚོགས་སུ་ཕུལ་འདུག་ སྙན་ཐོ་དེའི་དོན་ཚན་བཞི་པོ་ནི། ༡༽འཛིན་སྐྱོང་གི་ལས་དོན་སྙིང་བསྡུས། ༢༽བོད་ཐོག་འཛིན་པའི་སྲིད་བྱུས། ༣༽སྲིད་འཛིན་དང་ཕྱི་སྲིད་བློན་ཆེན་ནས་སྤེལ་བའི་བྱེད་སྒོ། ༤༽རྒྱ་ནག་གཞུང་དང་༧གོང་ས་མཆོག་དང་ཁོང་གི་སྐུ་ཚབ་དབར་གྲོས་མོལ་གྱི་གནས་བབ་བཅས་རེད་འདུག དེ་ཡང་སྙན་ཐོའི་ནང་འཁོད་དོན།

སྲིད་འཛིན་ཨོ་སྦ་མ་མཆོག་ནས་༧གོང་ས་མཆོག་༢༠༡༠ ཟླ་༢ ནང་མཇལ་བ་དང་ཨ་རིའི་སྲིད་འཛིན་ནས་༧གོང་ས་མཆོག་གི་དབུ་མའི་ལམ་ལ་བསྟོད་བསྔགས་ཞུ་གནང་ཡོད་།

ཕྱི་ ལོ་ ༢༠༠༨ ཟླ་ ༡༡ ནས་བོད་རྒྱ་འབྲེལ་མོལ་མཚམས་འཇོག་བྱས་རྗེས་སླར་ཡང་ཕྱི་ལོ་ ༢༠༡༠ ཟླ་བ་དང་པོའི་ཟླ་མཇུག་ཏུ་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གི་སྐུ་ཚབ་དང་། རྒྱ་ནག་གཞུང་གི་དབུས་འཐབ་ཕྱོགས་གཅིག་གྱུར་གྱི་མི་སྣ་ངོ་འཕྲད་ཀྱིས་བོད་རྒྱ་འབྲེལ་མོལ་ཐེངས་དགུ་པ་དེ་གནང་བར་ཨ་རིའི་གཞུང་ཕྱོགས་ནས་དགའ་བསུ་ཞུ་བཞིན་ཡོད། བོད་རྒྱ་འབྲེལ་མོལ་ཐེངས་དགུ་པའི་སྐབས་དོན་ཕན་སོན་པའི་གྲུབ་འབྲས་གང་ཡང་ཐོན་ མེད་ནའང། སྐབས་དེའི་འབྲེལ་མོལ་གྱི་འཁོར་ཡུག་གི་རྣམ་པ་དེ་ནི་ཇེ་བཟང་དུ་ཕྱིན་ཡོད། ཨ་རིའི་སྲིད་གཞུང་གིས་རྒྱ་བོད་གཉིས་དབར་དོན་ཕན་སོན་པའི་གྲུབ་འབྲས་ཡོང་ཆེད་ གྲོས་མོལ་རྒྱུན་འཁྱོངས་ཡོང་བའི་བསྐུལ་མ་མུ་མཐུད་ཞུ་རྒྱུ་ཡིན། རྒྱ་ནག་གཞུང་ལ་བོད་སའི་ཁུལ་དུ་མུ་མཐུད་དཀའ་ངལ་འཕྲད་བཞིན་པ་དེ་སེལ་རྒྱུར་ བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གིས་མཐུན་འགྱུར་ཞུ་ཐུབ་རྒྱུ་ཡིན་པར་ ཨ་རིའི་སྲིད་གཞུང་གིས་ཡིད་ཆེད་ཞུ་བཞིན་ཡོད། ༸གོང་ས་ཏཱ་ལའི་བླ་མ་མཆོག་གི་དགོངས་ཚུལ་དེ་བོད་མིའི་སྤྱི་ཚོགས་ཀྱི་ཁྲོད་མངོན་པར་གསལ་བཞིན་ཡོད་པ་མ་ཟད། ཁོང་ལ་བོད་མི་མང་ཆེ་བས་གུས་བརྩི་ཞུ་བཞིན་ཡོད། ཁོང་གིས་མཐའ་གཅིག་ཏུ་འཚེ་མེད་ཞི་བར་རྒྱབ་སྐྱོར་གནང་བ་དེས་མཐའ་མའི་གྲུབ་འབྲས་ཐོབ་རྒྱུར་ལྟ་གྲུབ་གལ་ཆེ་ཞིག་ཆགས་ཡོད། རྒྱ་ནག་གཞུང་གིས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གམ་ཁོང་གི་སྐུ་ཚབ་ དང་ལྷན་བོད་མི་རྣམས་ལ་འཕྲད་བཞིན་པའི་དཀའ་ངལ་སེལ་ཆེད་གྲོས་མོལ་གནང་རྒྱུ་དེ་ རྒྱ་ནག་གཞུང་དང་བོད་མི་གཉིས་ཀར་གཉིས་སྨན་ཞིག་ཡིན། དཀའ་ངལ་དེ་སེལ་མ་ཐུབ་ཚེ་རྒྱ་ནག་ནང་དཀའ་ངལ་ཆེ་རུ་འགྲོ་རྒྱུ་དང་དེས་རྒྱ་ནག་ གི་སྤྱི་ཚོགས་དང་དཔལ་འབྱོར་ཡར་རྒྱས་ལ་འགོག་རྐྱེན་ཡོང་ངེས་ཡིན་ཞེས་སོགས་འཁོད་ཡོད།།

སྙན་ཐོ་འདི་ནི་ཨ་རིའི་གྲོས་ཚོགས་ཀྱི་༢༠༠༢ ལོའི་བོད་ཐོག་འཛིན་པའི་སྲིད་བྱུས་ཀྱི་ཁྲིམས་ཡིག་གཞིར་བཟུང་ལོ་ལྟར་གནང་དགོས་པའི་ལས་དོན་ཞིག་རེད་།

གནས་ཚུལ་ཁག་གཅིག་བོད་གཞུང་གི་དྲ་ཚིགས་ནས་བཤུས།

Posted in ༧གོང་ས་མཆོག, བོད་, ཨ་མེ་རི་ཀ། | No Comments »